شبّاك التذاكر ،،

( قلبي ) شبّاك التذاكر ،،
قولوا شنهو تطلبون ؟

مانساكم والله ذاكر ..
أصلاً إنتوا تامرون !

عنده أنواع [ التذاكر ] ..
وبس عليكم تسحبون ..!

كل نوعٍ له حكايه ..
ويا كثر فيه الطعون

تذكره تنهي ( حياتي )..

وتوصّل لْْـ أقرب قبر ..

حيل مشتاقة لْـ مماتي ..

ومابقى فيني صبر ..!

تذكره تثبت وجودي ..

في حياة اللي أبيه ..!

لجل أهدي له " ورودي " ..

وقلبي اللي مشتريه ..!

تذكره تبعدني عنّه ..
وينتزع هـ القلب منّه ..
وحيل أسعد في حياتي ..
لأنّه هذا ( البعد ) جنّه ..!

تذكره تمحي " همومي "..

وكل جرحٍ بي تمكّن ..

وألمح الضحكه بـ يومي ..

وفرحتي في قلبي تسكن !

تذكره تهديني فرحه ..

وتمسح آلامي وجرحه ..

وألقى لو مرّه ( السعادة )..

وأبتسم من قلب وأنسى ..!

تذكره تلعن " غيابه "..

وتحطّني قدّام بابه ..

وأفتح الباب وألاقي ..

بسمه من حضرة جنابه ..!

تذكره تشفع لي عنده ..
وتطلبه يهديني ودّه ..
وتصْدق ( أحلامي ) بوجوده !
وعمري ما ألقاه صدّه !

تذكره بـ معنى " الأخوّه "..

تجيب لي أخٍ حبيب ..

يصدّق اللي له أقوله ..

ويرضى حتى في جنوني ..

وما أحس إنه غريب ..!

تذكره تهديني ( طفلٍ )..

لجل أربيه وأعزّه ..

ويْتحقق معه حلمي ..

وألقى تعريف المعزّه ..!

تذكره تجعلني أمٍ ..

وألقى كلّ عيالي حولي ..

وينمحي همٍ وغمٍ ..

وأصرخ : ( عيالي ) وفوا لي ..!